عشق الهوي بقلم نونا المصري

وبما انك ذكية اكيد هتتعلمي بسرعة 
قال ذلك ثم ضغط على زر استدعاء السكرتيرة فدخلت سلمى قائلة امرك يا فندم 
فنظر اليها وقال سلمى انتي من بكرا هتبقى سكرتيرة كمال لان مريم هتاخد مكانك وهتبقى السكرتيرة بتاعتي 
أتسعت عينا سلمى بعد ذلك الخبر وقالت بس يا بيه 
فقاطعها بقوله مش عايز اتناقش في الموضوع دا انتي هتعلميها ازاي تبقى سكرتيرة ادهم عزام السيوفي ومش عايزك تفوتي اي حاجة مفهوم

فأحنت سلمى رأسها وقالت مرغمة حاضر يا فندم 
اما مريم فاعترضت قائلة قولتلك انا تخصصي برمجة ما ينفعش ابقى سكرتيرة !
رد عليها ادهم هتتعلمي انا دلوقتي اديتك فرصة ذهبية وفي مليون بنت بتتمنى انها تكون مكانك علشان كدا استعملي ذكائك واستغلي الفرصة دي 
قال ذلك ثم اظاف سلمى انتي تقدري تطلعي دلوقتي 
سلمى حاضر عن اذنكوا 
قالت ذلك ثم خرجت من المكتب وكانت حزينة لان ادهم استغنى عنها اما مريم فنظرت اليه وهو يتوجه نحو كرسيه ليجلس مجددا وقالت طب انا مطلوب مني ايه دلوقتي حضرتك قلت هتديني مهمة ولو نجحت فيها هبقى السكرتيرة بتاعة حضرتك 
فجلس ادهم ثم اشار لها بيده لكي تجلس وبعدها قال بهدوء ممېت انا هتكلم بالانجليزي وانتي هتكتبي اللي هقولك عليه ومش عايز اي غلطة لان اللي هقوله دلوقتي دا يبقى جواب هتبعتيه في البريد الإلكتروني لفرعنا اللي في اميركا 
مريم طب ليه التعب دا كله ما حضرتك تقدر تبعته بنفسك 
وبعد قولها ذاك رمقها ادهم بنظرة باردة جعلت مفاصلها ترتعد خوفا فابتلعت ريقها ونظرت إلى الاسفل بينما اردف هو بجمود نفذي اللي بطلبه منك وانتي ساكته وخلي بالك انا ما بحبش الرغي ابدا يعني من دلوقتي تقللي كلامك ومتقوليش اي حاجات ملهاش لازمة 
أومأت مريم رأسها بنعم وهي تنظر إلى الارض ولا تعلم لما خاڤت وسمحت له بأن يكون المسيطر عليها هي فقط وافقت على ان تكون سكرتيرته لئلا تخسر عملها مع العلم انها تعبت كثيرا حتى استطاعت ان تجد ذلك العمل اما هو فكان همه الوحيد ان يبقيها قريبة منه حيث ادرك انه واقع في حبها تماما من راسه حتى اخمص قدميه لذا قرر ان يعينها سكرتيرة لكي تبقى تحت نظره وقريبة منه جدا فالسكرتيرة الخاصة ترافق رب عملها الى كل مكان يتعلق بالعمل وهو يقضي معظم وقته في الشركة حيث قابلها هناك ووقع في حبها من النظرة الأولى فأصبحت بالنسبة له كالمړض الذي ېحرق جسده  
اما هي فحالها لم يكن يختلف عن حاله كثيرا حيث انها كانت تدرك ان في داخلها مشاعر مضطربة تجاهه فهو وبالرغم من برودة اعصابة
ووقاحته الممېتة وعصبيته المرعبة التي تدب الړعب في النفوس الا انه كان وسيما جدا في نظرها ورجل بكل ما تعنيه الكلمة فكانت تسعد عندما تراه وادركت انها تكن له بعض المشاعر بعد ان غاب عنها لمدة أسبوعين وثلاثة أيام وقد اشتاقت له كثيرا خلال الفترة التي غابها وفي الوقت ذاته كانت قلقه عليه جدا لانه اختفى فجأة وهي لم تكن تمتلك الشجاعة الكافية لكي تسأل عنه ولكن عندما عاد ابتسمت روحها من الداخل وشعرت بالارتياح عندما رأته سليما معافى 
فجلست بالقرب من طاولة مكتبه وامسكت ورقة وقلم وبدأت تكتب باللغة الإنجليزية ما كان ادهم يمليه عليها اما هو فكان يتحدث ويجوب المكتب ذهابا وإيابا وعيناه لا تبتعدا عنها فهي كانت فاتنة بنظره في تلك اللحظة وهي تحني رأسها وتكتب بكل هدوء 
وبعد نصف ساعة 
انتهى ادهم من املاء الكلمات وقال دلوقتي هتكتبي الجواب دا في الاب توب وهتبعتيه في البريد الإلكتروني للفرع بتاعنا اللي في اميركا 
فنهضت مريم وهي تمسك الورقة التي كتبت عليها
الرسالة ثم نظرت اليه وقالت حاضر 
وبعدها ارادت ان تغادر فإوقفها بقوله استني 
تجمدت مكانها قبل ان تفتح الباب لتخرج والتفتت اليه بتوتر ثم سألته عايز حاجة تانية يا فندم 
فنهض ادهم من مكانه واقترب منها بخطوات ثابتة ثم قال بصوت هادئ هتبعتيه من البريد الإلكتروني بتاعي 
قال ذلك ثم سحب الورقة من يدها بكل خفة وبعدها افسح لها مجالا للعودة إلى حيث كانت طاولة مكتبة فأبتلعت ريقها ثم اعادت خصلة من شعرها ووضعتها خلف اذنها ولا تعلم انها فجرت بركانا في قلب الرجل بعد حركتها تلك اغمض عيناه بشدة لمدة ثانية واحدة ثم لحق بها نحو طاولة المكتب وارادت ان تجلس في مكانها حيث كانت جالسة منذ برهة لكنه اوقفها بقوله مش هنا اقعدي مكاني 
فنظرت اليه بدهشة وقالت افندم !
فقال اقعدي مكاني كدا هيبقى الشغل اسهل عليكي 
ردت بسرعة مايصحش حضرتك 
امرها بنبرة حاسمة اعملي اللي بقولك عليه وانتي ساكته 
فقالت بتلعثم ح حاضر 
ثم توجهت نحو كرسيه وجلست مكانه بالفعل وكانت متوتره للغاية فرسم ادهم ابتسامة صغيرة على شفتيه عندما رأها جالسة مكانه ولكن سرعان ما عاد لبروده واردف ودلوقتي تقدري تبتدي 
فنظرت اليه بعيونها البراقة وسرعان ما اشاحت نظرها