روايه متكامله الجزء 5

كمان بتعب و ممكن يكون أكتر منكوا كمان علي الأقل أنتي طول اليوم في البيت كل اللي بتعمليه أكل و تنضيف و غسيل عارف ان شغل البيت صعب بس علي الأقل بتتعبي تعب جسدي بابا طول اليوم في المكتب برضوا بيتعب تعب جسدي وفي نهاية اليوم بتناموا و بترتاحوا وبتنسوا التعب ده لكن انا بصحي بدري و طول اليوم في الدروس بره أنتي معتقده ان قاعده الدروس حلوه و مبتعبش فيها لااا بالعكس كام مرة بروح الدرس تعبان وبموت بس عشان ميفوتنيش بقعد في الحصه بالتلات ساعات و الأربعه ولازم أقعدهم مركز مع المستر عشان ميفوتنيش حاجه طول اليوم بره باكل أكل من الشارع وانتي عارفه أن الأكل ده بيتعبني بيبقي عليا بالحصتين ورا بعض و أضطر أحضرهم ببقي عايز أنام بس ماسك نفسي و أقاوم و تبقي أيدي ۏجعاني من كتر الكتابه و بطني توجعني من الجوع و بالليل لما ييجي وقت النوم و تناموا و ترتاحوا بكون انا سهران بذاكر و ببحث عن معلومات و ضهري يوجعني بسبب الميول علي المكتب و بيبقي المطلوب مني اصحي تاني يوم بدري بسبب الدروس برضوا 

أمير خلاص يا يزيد ما ده كله عشان حلمك برضوا
جميلة بدموع لازم يطلع نفسه المظلوم ېموت لو معملش كده
يزيد پبكاء مما جعلهم مستغربين لااااا مش عشان حلمي أنتوا كلكوا عارفين ان علمي مكانش حلمي وعارفين أن طب اللي بسعي عشانها ده مش حلمي عارفين ان المواد العلميه كلها مبحبهاش وفي اولي كنت بتمني أخلص منها عارفين أن المواد الأدبية دي اللي سهله بالنسبالي و عارفين أن كلية حقوق دي اللي حلمي و ياريتها حاسه بده ياريتها تعترف بتعبي و نفسيتي البايظه و سهري و جهدي كل شوية فاااشل خليك زي أبن خالتك مهما عملت مبيعجبهاش حاجه أنا غلطان عشان أختارت اسعي في حلمك أنتي و بابا قولت عشان يفرحوا أكتر لو حققت الحلم ده قولت عشان أحقق اللي نفسهم فيه بس مش شايف تشجيع منكوا في حاجة مش بسمع غير الكلام السلبي وبس بذاكر مواد مبحبهاش بس مضطر عشانكوا و بروح الدروس بالساعات و ببقي مش قادر بس عشانكوا بذاكر و بسهر و درجاتي وحشه عشان مش عارف أتأقلم علي المواد دي نفسيتي بايظه وخاېف محققش حلمكوا بعد ده كله والخووووف الكبير أني محققش حاجه بسبب أختياري طريق غلط في سبيل فرحتكوا. لأن لو مستقبلي أتدمر ولا انتي ولا بابا هتزعلوا قدي لان انا اللي بسهر وانا اللي بتعب وانا اللي بجتهد خاېف من وقفتكوا ضدي لما محققش حاجه رغم أني كان ممكن احقق حاجه لو دخلت ادبي لانها مواد انا بحبها و بحب أبذل جهد فيها ومهما وقعت كنت هقوم تاني عشان حابب ده لكن دلوقتي محدش فيكوا حاسس بيا و كلامكوا محبط و سلبي حراااام عليييكوا بجدددد انا اللي هريحكوا مني عشان مكونش أبن فاشل فعلا
تركهم وخرج خارج المنزل 
جميلة بدموع شوف اخوك راح فين يا أمير
أمير حاضر خلي بالك علي نفسك
خرج أمير إلي الخارج 
في مكتب سيد والد لؤي 
سيد وحضرتك عايز المشاهد دي ليه بقي
لؤي مش أنت عايز تدمر محمد
سيد اه
لؤي جلس أمامه وقال أنا بقي هدمرهولك
سيد ده أزاي بقي يا أستاذ لؤي
لؤي طبعا المشاهد معاك من بدري وأنت لغاية دلوقتي معملتش بيها حاجه فهاتها بقي أنا أستغلها لصالحي و أدمر جوازة بنته وأنت عارف بقي لما البنت بتتدمر كأنك بتدمر أبوها بالظبط
سيد بص أنا مش فاهم منك حاجه بس انا عارف دماغك شيطانه طالعلي يعني فخد المشاهد و اعمل بيها اللي انت عايزة بس أهم حاجه رجلك متجيش في الموضوع
أبتسم لؤي حاضر يا بابا
عند زين أنتهي من الجامعه و ذهب الي الشركة و معه ورد...في مكتب زين 
زين ياريت عشان حقيقي أنا مش هعرف أنشغل بيهم دلوقتي
أسر عيوني يا زين هما فين بس التصاميم
زين هتلاقيها عندك في الدرج و أبقي تابع انت مع المصنع بقي بس خليهم يستعجلوا عشان خلاص فاضل ٣ أسابيع و المسابقه تبدأ
أسر ماشي
رويه و انا و أسيا هنعمل أجتماع دلوقتي مع الموظفين نعرفهم ان الموضوع أتحل و ان لازم نبدأ شغل كلنا
زين اه ياريت
أسيا اومال ورد فين
زين راحت تجيب قهوة
دخلت ورد الكافيه تحت الشركة و ذهبت عند الكاشير وقالت 
ورد لو سمحت
نظر لها وقال أتفضلي
ورد هو في ورقة هنا أعرف الكافيه بيقدم أيه منها ولا لأ
قال بإبتسامه المنيو يعني
ورد ايوووه الورقة دي
شاور لها بصي روحي للنادل اللي هناك ده و قوليله وهو هيديكي المنيو
ورد أبتسمت شكرا
ذهبت عدة خطوات بسيطة 
ورد لو سمحت
هو نعم
ورد ااا...عايزة المنيو
هو أتفضلي
ورد شكرا
وقفت علي جنب قليلا و أخرجت الأله الحاسبه من الهاتف و بدأت بحساب ما ستطلبه...مرت عدة دقائق ليست بكثيرة و قاطعها صوت شهقات فتاة مرت من جانبها 
ورد بإستغراب رغد
نظرت لها رغد ورد
ورد بټعيطي ليه
رغد تمسح دموعها وتقول لا لا مفيش
ورد لا في أحكيلي مالك
رغد طب ينفع نتكلم في مكان تاني
ورد أه يا عيوني
خرجوا الأثنان معا خارج الكافيه 
كانت تجلس في غرفتها و يعتليها الحماس 
نيرة علي الهاتف موافقه بس تيجي منك انت
لؤي هتفرق
نيرة أه عشان ابان قدامه أني معرفش حاجه
لؤي ياستي خلاص ماشي أجهزي عشان أنا هرن عليه
نيرة أشطا
لؤي هنتقابل في المكتب بتاعي
نيرة هجهز اهو
كان يجلس في مكتبه وقال 
زين تؤ أتأخرت ليه دي....خاېف لتكون عملت مشكلة أنا عارفها كويس
نظر علي المكتب و أخذ هاتفه كي يرن عليها و لكن اهتز الهاتف في يده يعلن عن وجود أتصال له 
زين بإستغراب رقم مين ده!...الو
لؤي لأ بجد فاجأتني متوقعتش أنك ترد بالسرعة دي
زين يا تقول عايز ايه يا تستقبل الحظر علي الرقم فأنجز
لؤي تعالي المكتب حالا
زين نعم!!
لؤي أيه بتكلم صيني!... تعالي مكتبي و علي ما اظن أنك عارف الطريق كمان
زين ده ليه
لؤي لأ الموضوع مش هيبقي حماس لو قولتلك علي الفون
زين لأ ما انا مش فاضيلك
لؤي هتندم ان مجيتش والله وأنت عارف أني عرفت نقطة ضعفك صح ولا أيه
زين جاي يا لؤي
ثم أغلق زين الهاتف و أخذ چاكت بدلته من علي المقعد و ذهب 
ذهبت إلي كافيه أخر و معها رغد...جلسوا و طلبوا قهوة 
ورد أهو ياستي روحنا مكان تاني ينفع تفهميني بقي في أيه عشان بجد قلقتيني
رغد احمم...ااا...في واحد معجبه بيه أسمه سليم و شغال في الكافيه بس حصل................
رد علي الهاتف وقال 
أمير نعم يا أمي
جميلة بقلق لاقيت أخوك
أمير لأ والله
جميلة بدموع طب دور عليه كويس يا أمير بالله عليك
أمير حاضر يا أمي متقلقيش أنتي بس و خلي بالك علي نفسك
جميلة ماشي يا حبيبي
أنهت حديثها بجملة 
رغد بدموع بس والله مكانش قصدي كده يا ورد
ورد طب كان قصدك أيه
رغد كان قصدي أني أفضل واقفه جنبه و أساعده لغاية ما يفتح مشروع صغير و بعدين ييجي يتقدم حتي ساعتها عيلتي تقول أن ليه دخل أساسي من المشروع لكن طول ما هو شغال في كافيه و مبدأش يكون نفسه ممكن يتطرد من الكافيه في أي وقت و ساعتها حالنا هيقف لغاية ما يلاقي شغل
ورد طب أنتي مش وضحتيله النقطه دي ليه
رغد ملحقتش هو قفل علي طول المكالمه و روحتله الكافيه و أتخانقنا برضوا و روحت النهارده لاقيته مش أداني وش و عاملني كأني زبونه عاديه راحه تشتري حاجه
ورد طب بصي ياستي تعالي نروح نتكلم معاه احنا الأتنين بس نصيحتي انه يتقدم من دلوقتي يا رغد عشان ياحبيبتي مينفعش تكلموا بعض عشان حرام فخليه يتقدم دلوقتي و سيبي أقناع العيلة عليا أنا ياستي و بعد ما يوافقوا ساعديه في المشروع
رغد بجد هتساعديني
ورد أه والله أهم حاجه سعادتك انتي
رغد شكرا يا ورد حقيقي شكرا أوووي
دخل المكتب و أنصدم من وجود نيرة وقال 
زين بتريقه ههه...والله كنت هستغرب لو لاقيتها مش هنا
نيرة بتمثيل زين بتعمل أيه هنا
زين كفايه تمثيل عشان حفظتك
نيرة نظرت ل لؤي هو انت طلبت زين ليه هو كمان هااه
لؤي اقعد يا زين... نيرة متعرفش بوجودك هنا
جلس زين وقال عارفة مش عارفة ميفرقش معايا...انجز قول انت عايز أيه عشان معنديش وقت
وقف لؤي و أخذ لاب توب و جلس مرة أخري وقال في فيلم عايزكوا تشوفوه معايا
زين أنت هتهزر ولا أيه!!
فتح اللاب توب فظهر محمد والد ورد وهو ېقتل شخص 
زين پصدمه ده ده
نيرة بتمثيل ده أبويا
زين عايز ايه يا لؤي
لؤي كمل بس الفيديو دي مش چريمة واحدة
زين أنجز قول عايز أيه
لؤي عايزك تسيب ورد
زين بتحلم
لؤي لأ ما انت لو مسيبتهاش أبوها هيكون في السچن و أعدام كمان وانت بقي عارف مراتك بتحب أبوها ازاي صح
زين بعصبية قد أيه أنت حقېر
لؤي بإبتسامه ده شرف ليا انك تمدحني
زين هو انت فكرك أن انا لو قولتلها يلا نسيب بعض هتوافق
لؤي لأ ما في خطه
زين خطة أيه دي
لؤي أنت هتروح تقولها انا و نيرة أتخطبنا و طبعا أنت عارف انه مينفعش تتجوز نيرة إلا لما تطلق ورد صح ولا غلط
زين بعصبيه أنت ازاي تفكيرك ژبالة كده ازاااي
لؤي اهدي عشان متندمش ماشي
زين ما تقولي حاجه ياست نيرة ولا أنتي عاجبك الموضوع
نيرة بدموع عاجبني أيه بس بابا ان حصله حاجه ورد ټموت فيها فده مش وقت أفكر في نفسي فيه أنا موافقه يا لؤي
لؤي بإبتسامه عرفتي تشغلي عقلك
زين بحزن هفكر و أرد عليك
لؤي هستني ردك بكره
خرج من المكتب بحزن شديد وتفكير 
أما عند ورد و رغد...كانوا يجلسوا في الكافيه 
رغد تعالي بس ثانيه معلش
سليم حاضر يا رغد
وبالفعل لم يكسر بخاطرها هذه المرة وجلس علي الترابيزة معها هي و ورد 
سليم السلام عليكم
ورد بإبتسامه وعليكم السلام
سليم بتذكر أيه ده مش انتي البنت اللي كانت بتسألني علي المنيو من شوية
ورد أه ورقه الطلبات تقريبا
سليم بإبتسامه أيوه هيا دي
ورد احممم...أنا مرات أبن عم رغد...أتلخفنت صح
سليم أيوه
رغد عارف زين ابن عمي طبعا
سليم أه أكيد
رغد دي ورد مراته بقي
سليم ااه...أتشرفت بمعرفتك
ورد أنا اكتر...بصراحة أنا عرفت العلاقة بينك انت و رغد و عارفه أن ماليش حق أتدخل بينكوا بس والله أنتوا الأتنين فهمتوا الموضوع غلط و بصراحة رغد بتحبك فقولت لازم أحل الموضوع بينكوا
سليم هو للأسف رغد فهمتني غلط ساعتها و ممكن انا برضوا فهمتها