روايه متكامله الجزء 3

و شكرا جدا ليكي
سعديه بإبتسامه انتي اللي شكرا والله
صعدت ورد إلى الغرفه وجدت زين يقرأ قرآن 
ورد بسعاده احمم.... بارك الله فيك يا زين بيه
زين و فيكي ياست ورد
ورد هدخل اجهز عشان امشي و إلا لو اتأخرت اختك هتولع فيا
زين بإبتسامه معلومه ليكي ان كل اللي عايشين هنا بيتأخروا على طول إلا الشباب
ورد ده طبيعي اصلا....احممم...عطلني بقي
زين لا لا روحي اجهزي
اخرجت ورد شنطتها و كانت تخرج منها الملابس 
زين اه صح لما تيجي من المول خلينا نفضيلك رف في الدولاب
ورد رف....لا كتر خيرك...ده انا هقسم الدولاب بالنص بس اما اجي

زين لاااا كله الا هدومي
ورد وانا برضوا كله الا هدومي
تركته و دخلت إلى الحمام وبدلت ملابسها ثم خرجت ولم تكن ترتدي الخمار فأندهش هو من جمالها و من جمال لون شعرها الذهبي 
زين بإعجاب شعرك حلو
ورد بإبتسامه اه شكرا
ارتدت الخمار و كادت تنزل لكن اوقفها صوت زين 
زين ورد
ورد نعم
زين امسكي ال card بتاعتي لغاية ما اطلعلك واحده
ورد بس انا معايا فلوس على فكره
زين مليش دعوه بالفلوس اللي معاكي
ورد بس يا زين
زين مبسش يا ورد....امسكي
اخذت منه البطاقه وقالت شكرا
ثم نزلت إلى الاسفل وجدت علي يجلس في الصالون يشاهد فيلم 
ورد ووه علي بيه....عامل ايه
علي مرات زين باشا....عامله ايه
ورد انا الحمد لله بس انت ايه الاخبار
علي الحمد لله
ورد اومال البنات فين
علي لااااا ده بالهم طويييل
ورد زين كان معاه حق والله.....اللي اعرفه انك تالته ثانوي
علي اه
ورد و اللي شيفاه انك قاعد من الصبح و مفيش مذاكره
علي بصراحه مكسل
ورد يا علي ده مستقبلك...انت نفسك تطلع ايه
علي مهندس
ورد يعني اهو ليك حلم و هدف فحاول انك توصل للهدف ده
علي بصراحه بذاكر بس مش اوي
ورد طب ما ده غلط....صدقني ربنا بيديلك على قد تعبك...اه المذاكره صعبه و كفايه الدروس اللي بتروحها بس هتيجي تبص للمستقبل و تشوف فرحتك و انت محقق حلمك ساعتها هتنسي كل التعب ده...فأنت حاول تعمل جدول و شجع نفسك
علي انا و رنا مش عارفين نعمل جدول ولا اي حاجه
ورد طب النهارده في حفله صح و بالتالي كلنا مشغولين فلو كده بكره ان شاء الله هعملكوا جدول و اتابعكوا اول بأول اتفقنا
علي اتفقنا
ورد والله جدع
رويه خلصنا
رغد معلش خليناكي تستنينا
اسيا عادي يا بنات هتتعود علينا
ورد بإبتسامه لا براحتكو طبعا
ذهبوا إلى المول 
عند امير 
امير يعني انت جاي الحفله النهارده
مازن اه ان شاء الله عشان في حاجه مهمه لازم الكل يعرف عنها
امير طب ممكن تحصل مشاكل يا مازن
مازن لازم اجي يا امير
امير خلاص ماشي يا حبيبي شوف الصح و أعمله
اغلق الهاتف 
مازن لنفسه عايز أشوف وشهم كلهم لما يعرفوا الحقيقه
في المول 
اسيا يعني وحش
رويه جدا
اسيا ايه رأيك يا ورد
ورد هو حلو جدا بس في احلي منه
اسيا خلاص ماشي ندور على واحد تاني
كانوا يبحثون على فستان مناسب للحفله 
في ڤيلا سعد الله 
سمر اه مكانها هنا حلو ولا انتي رأيك ايه يا سندس
سندس ايوه يا سمر جميله جدا
ثناء معرفش مهتمين بيها اوي ليه كده مانعملها حفله زي اي حفله عملناها وخلاص
سندس لا طبعا مينفعش يكفي انها مرات زين
ثناء اه اه
عند زين 
زين طب اعمل ايه طيب
اسر والله مش حلوه
زين طب اختار لون ايه
اسر اختار اللون الابيض ده
زين البس بدله بيضه....لا لا مش موافق
اسر انت متعبني معاك ليه...استني مراتك لما تيجي و خليها تختارلك انا ماشي
زين يا اااااسر
تركه اسر و نزل ليختار ملابسه 
انتهت الفتيات من التسوق وعادوا الى الڤيلا.... صعدت ورد إلى الغرفه و وجدت زين يقف أمام الدولاب يحتار في اختيار ملابسه 
ورد بإبتسامه انا جييت
زين بتنهيده اخيرا
ورد في حاجه ولا إيه
زين مش عارف البس انهي بدله...و اسر بيقولي البس البيضه
تركت الاكياس على الارض و وقفت بجانبه استني....اممم...البس البدله السودا لأن تصميمها حلو جدا والشغل اللي عليها مخليها بتاعة سهرات
زين خلاص ماشي...اه صح جبتي فستان ايه
ورد كلهم أقنعوني باللون الأزرق... وجبت خمار اوف وايت و صندل اوف وايت
زين طب فرجيني على الفستان
فتحت ورد الاكياس اهو...اسمه فستان الاميرات عشان واسع اوي يعني
زين اه حلو جدا
ورد طب يلا نجهز عشان منتأخرش
بدأ الجميع في ارتداء ملابسه 
في منزل محمد 
جميله انا خلصت اهو
يزيد وانا
جميله اومال امير فين
يزيد نزل تحت مستنينا في العربيه
جميله طيب
خرج محمد من الغرفه وانا كمان خلصت
جميله طب يلا ننزل
نزل الجميع و ذهبوا إلى ڤيلا سعد الله 
في الڤيلا 
مراد لا بس بجد تسلم ايديكوا
سمر مراته تسلم يا حبيبي
سندس يعني بجد مفيش حاجه ناقصه
سمر لا والله كل حاجه مظبوطه
سندس طب الحمد لله
سليم اومال الشباب فين
عمر رويه و رغد خلصوا الا اسيا
في غرفة زين...خرج زين من الحمام وجد ورد تجلس امام المرآه و كانت ترتدي الخمار و كانت تضع مكياج خفيف 
زين بإعجاب احمم...ااا...خلصتي
ورد اه فاضل الصندل بس
زين ماشي
وقف بجانبها و كان يسرح شعره 
ورد بزهق صبرني يارب
زين بتقوليلي انا
ورد لا لا مش انت....قصدي على الصندل
زين طب اساعدك في حاجه
ورد لا هعطلك كده
زين لا انا فاضل البرفان بس
ورد ايوه
جلس زين على ركبته 
ورد انت بتعمل ايه
زين هساعدك
ورد لا لا مينفعش....هعرف البسه هو بس رخم
زين مټخافيش مش هعضك والله
ورد يا زين مينفعش
مسك زين الصندل و ساعد ورد في ارتدائه
ورد بخجل شكرا
زين العفو
وقفت ورد و وقف زين ايضا و كان يضع البرفان و كانت ورد تضع الخاتم 
زين ابتسم احمممم....ههههههه
ورد بإستغراب بتضحك ليه!
زين لا بجد انتي قصيره اوي
ورد خلاص يا زين و على فكره انا مش قصيره انت اللي طويل
زين بضحك ايوه ايوه معاكي حق
ورد احمم....هاه ننزل
زين ايوه...هاتي ايدك
ورد نعم
زين هاتي ايدك يا ورد....يعني الكل هيبقي باصص علينا النهارده فمش عايزين نخليهم يشكوا في حاجه و بعدين انتي مراتي
ورد بخجل اه....ماشي
مسك زين ايد ورد و نزل إلى الاسفل و نظر لهم الجميع بإبتسامه 
جميله ورررد
ورد حضنتها ازيك يا ماما عامله ايه
سلمت ورد على عائلتها و لكن لم ينظر لها والدها فحزنت....بدأت الحفله و استمتع الجميع و كانوا معجبين بورد كثيرا
في الفندق وخصوصا في غرفة نيرة 
نيرة لا يا لؤي مش قادره اشرب والله حاجه
لؤي عشان خاطري
اخذت نيرة منه العصير و شربته و بعد قليل اغمي عليها 
لؤي بضحكه شړ اما ندور على التصميمات بقي
اخذ يبحث على التصميمات و وجدهم اخيرا في الخزنه...نظر لنيرة قليلا ثم اخذ التصميمات و هرب 
في نهاية الحفله ذهب جميع الضيوف إلى المنزل ما عدا عائله ورد....دخل مازن وقال 
مازن السلام عليكم
نظر له الجميع 
مازن ازيك يا ورد
ورد بدموع مازن!
انتهي البارت رأيكم فضلا يا سكاكر 
توقعاتكوا للأحداث.... 
١ رد فعل الجميع عند معرفة الحقيقه
٢ لماذا مازن قال لأمير انه في كلتا الحالتين لن يكون له نصيب مع ورد
٣ ماذا سيكون رد فعل نيرة عند معرفتها بهروب لؤي مع التصميمات
٤ هل ستستمر المعامله هكذا بين ورد و زين ام هذا هدوء ما قبل العاصفه
كسرة_قلوب
رواية كسرة قلوب
بقلم حبيبه مصطفي
ياقوت
البارت التاسع 
في نهاية الحفله ذهب جميع الضيوف إلى المنزل ما عدا عائله ورد.... دخل مازن وقال 
مازن السلام عليكم
نظر له الجميع 
مازن ازيك يا ورد
ورد بدموع مازن!
زين انت بتعمل ايه هنا
مازن طبعا كلكم عارفيني لكن انا جاي اكشف الحقيقه وهمشي تاني
الجد سعد حقيقه ايه يابني
مازن في هنا شاشه
سليم ايوه
مازن بعد اذنكوا عايز احط الفلاشه دي فيها
اخذ اسر منه الفلاشه و وضعها في الشاشه فظهر فيديو نيرة عندما كانت تتحدث مع لؤي في غرفه الفندق... كان الجميع ينظرون في صډمه وخصوصا زين..... بعد انتهاء الفيديو قال مازن 
مازن مستغربين صح.... لو حد منكم كان واثق في ورد فعلا و كان صدقها مكانش ده كله حصل... كنت اتمنى بس لو واحد فيكم دور على المشاهد دي قبل ما يحط ورد في الموقف ده عشان كلكم اتجمعتوا سوا ودمرتوا مستقبلها واحلامها... كان زمانها دلوقتي قاعده بتفكر تلبس فستان ايه عشان انا كنت هاجي اتقدملها لكن انتوا هديتوا كل ده
سعد بحزن احنا اسفين يابني
مازن بحزن لا متعتذرش...انا بس جيت عشان اكشف الحقيقه للكل وخصوصا بعد ما عرفت ان ابوها مش حابب يبص في وشها حتى ومشيلها الذنب لوحدها..... انا عايز اقولكم ان انا مكنتش معجب بورد من فراغ بجد اجمل انسانه ممكن تشوفوها في حياتكوا... انسانه عارفه ربنا فعلا وبتحاول تقرب منه انسانه عارفه الصح من الغلط..... كنت شاكك انها كمان معجبه بيا وكنت بدعي كل يوم انها تكون من نصيبي بس لما امير رن عليا امبارح وقالي على اللي حصل زعلت جدا عليها عشان هيا ما تستاهلش كده... ما تستاهلش ان كلكوا ما تبقوش واثقين فيها ما تستاهلش انكوا تتحكموا في مستقبلها من غير حتى متاخدوا رأيها....كلكوا كنتوا انانيين و بتفكروا في سمعتكوا وبس لكن محدش فكر فيها هيا
ورد بدموع بجد مش عارفه اقولك ايه بس كل اللي اقدر اقوله دلوقتي شكرا جدا ليك...لأن من غيرك هما كانوا هيفضلوا شاكين فيا و مشيليني الذنب لوحدي رغم ان معملتش حاجه...و ايوه يا مازن انا معجبه بيك بس خلاص الوقت فات و بتمني ربنا انه يرزقك باللي احسن مني والله
مازن بدموع مهما ادور مش هلاقي في جمال اخلاقك بس انا عايز اقولك حاجه و اطلب منك طلب قدامهم كلهم
ورد بدموع اتفضل
مازن حتي لو كنتي متجوزتيش زين مكانش هيبقي في نصيب بينا لأن بصراحه انااا...ااا
ورد بدموع انت ايه مش فاهمه
مازن بحزن كنت تعبان جدا في الفتره الاخيره و روحت المستشفي كشفت...ااا....الدكتور قال اني....عندي ورم في المخ و خلاص بيكبر في دماغي يا إما اعمل عمليه احتمال نجاحها قليل جدا....يا اسيبه زي ما هو و لو سيبته ھموت بعد ٤ شهور او اقل كمان...فكده كده مكنتيش هتبقي من نصيبي
ورد بدموع لا لا...انت بتهزر صح
مازن بحزن لا والله...ورد ينفع تيجي معايا بكره العمليه....ده اخر طلب ممكن اطلبه والله
ورد نظرت لجدها سعد
الجد سعد روحي يا ورد معاه بكره....يكفي انكوا بعدتوا عن بعض بسببنا احنا
ورد بدموع حاضر يا مازن جايه بكره ان شاء الله
مازن بحزن و دموع هستناكي يا ورد.....عن اذنكوا
ذهب مازن خطوتين ثم نظر لورد بحزن و عيناه تمتليء بالدموع ثم ذهب 
الاب محمد ورد
نظرت له ورد بدموع ثم صعدت إلى